Orlofsvefur Stéttarfélags Vesturlands
Orlofsvefur Stéttarfélags Vesturlands

29. maí 2018

Ný verðkönnun, sumarnámskeið fyrir börn

 

Sumarnámskeiðin geta reynst foreldrum kostnaðarsöm

Á sumrin eru frí barna yfirleitt lengri en foreldranna sem þurfa þá að skrá börnin á ýmis sumarnámskeið. Þessu getur fylgt mikill kostnaður enda oft margra vikna tímabil sem þarf að brúa með þessum hætti. Verðlagseftirlit ASÍ hefur tekið saman yfirlit yfir ýmis sumarnámskeið sem standa til boða sumarið 2018 og verð á þeim. Mikill verðmunur er á þeim námskeiðum sem skoðuð voru og geta foreldrar þurft að borga háar fjárhæðir í sumarnámskeið þrátt fyrir að ódýrustu námskeiðin séu valin. Grunnskólar klárast á flestum stöðum eftir fyrstu vikuna í júní og byrja aftur í síðustu vikunni í ágúst. Sumarfrí barnanna nær því í flestum tilfellum yfir um 10 vikna tímabil.

Sumarnámskeið fyrir 8 ára barn
Ef við gerum ráð fyrir því að foreldrar þurfi að brúa 5 vikna tímabil getur kostnaðurinn við sumarnámskeið fyrir tímabilið verið mikill. Hér má sjá dæmi um námskeið í ódýrari kantinum sem brúa 5 vikna tímabil fyrir 8 ára barn.

Aldur

Námskeiðshaldari

Tegund námskeiðs

Fjöldi daga

Tímar á dag

Verð 2018

Verð á klst

8-12 ára

Útilífsskóli skáta - Skjöldungar

Skátanámskeið m. útilegu

5

7

16.000

371

6-11 ára

Valur

Knattspyrnuskóli

5

3

8.000

867

6-11 ára

Valur

Knattspyrnuskóli

5

3

8.000

867

6-9 ára

Reykjavík

Sumarfrístund

5

7

8.910

255

6-9 ára

Reykjavík

Sumarfrístund

5

7

8.910

255

6-9 ára

Reykjavík

Sumarfrístund

5

7

8.910

255

Samtals kostnaður fyrir þessi námskeið er 58.730 kr. og er þá ekki tekinn inn í kostnaður fyrir hressingu og hádegismat né auka gæslu. Þetta er hár kostnaður sem verður að sjálfsögðu hærri ef fólk er með mörg börn á framfæri.

Sumarnámskeið í 5 vikur fyrir 11 ára
Hérna fyrir neðan er annað dæmi um námskeið í 5 vikur fyrir 11 ára barn. Foreldri/foreldrar þessa barns þyrftu að reiða fram 72.600 krónur fyrir námskeiðin og er auka gæsla, hressing og hádegismatur ekki inni í verðinu.

Aldur

Námskeiðshaldari

Tegund námskeiðs

Fjöldi daga

Tímar á dag

Verð 2018

Verð á klst

8-12 ára

Útilífsskóli skáta - Skjöldungar

Skátanámskeið

5

7

13.000

371

8-12 ára

Útilífsskóli skáta - Skjöldungar

Skátanámskeið

5

7

13.000

371

6-15 ára

Reiðskóli Reykjavíkur

Reiðnámskeið

10

3

32.000

1.067

6-12 ára

Breiðablik

Ævintýranámskeið

5

3

7.300

487

6-12 ára

Breiðablik

Ævintýranámskeið

5

3

7.300

487

 

Þetta eru háar upphæðir sem geta vegið þungt í útgjöldum heimilanna. Í töflu má sjá lista yfir þau námskeið sem voru tekin saman ásamt verðum en úrvalið er mikið og verðbilið oft stórt. 

2.127 kr. klukkutíminn á dýrasta námskeiðinu
Ódýrasta námskeiðið af þeim sem eru í könnuninni var íþrótta- og leikjaskóli hjá Knattspyrnufélagi Akureyrar sem er 10 daga námskeið, 4 tímar á dag á 6.000 kr. sem gerir 133 kr. á klukkutímann. Dýrasta námskeiðið var námskeið í Myndvinnslu hjá Skema en 5 daga námskeið, 3 tímar á dag kostar 31.900 kr. og er klukkutíminn því á 2.127 kr.

Sjá nánar töflu yfir námskeið

Skoðuð voru verð á námskeiðum íþróttafélaga, á vegum íþrótta- og tómstundarráða, sveitarfélaga, skátafélaga og frjálsra félagasamtaka. Námskeiðunum í könnuninni er skipt eftir fjölda námskeiðsdaga og klukkustunda á dag. Víða er boðin gæsla á morgnana áður en námskeiðin hefjast, í hádeginu og eftir að dagskrá námskeiðanna lýkur á daginn. Misjafnt er hvort greiða þurfi aukalega fyrir þessa gæslu eða hvort hún er innifalin í námskeiðsgjaldinu, sama er að segja um hádegisverð og hressingu, matur er sjaldnast innifalinn í námskeiðsgjaldinu, en oft er hægt að kaupa heitan mat gegn vægu gjaldi. Það gjald sem gefið er upp í könnuninni er ávallt miðað við eitt stakt námskeið þannig að ekki er tekið tillit til afsláttarverðs t.d. iðkendaafsláttar eða systkinaafsláttar. Við samanburð á verði námskeiða er því nauðsynlegt að hafa þetta í huga.

Auk þess ber að athuga að hér er aðeins um verðsamanburð að ræða og sú þjónusta eða dagskrá sem í boði er á námskeiðunum er ekki metin. Úrvalið af sumarnámskeiðum fyrir börn og unglinga er mjög mikið og þessi könnun nær aðeins yfir hluta þeirra.

 

 

 

Senda á Facebook