Ásholt 2, Reykjavík

Íbúðin er í stóru fjölbýlishúsi þar sem á annan tug íbúða eru í eigu stéttarfélaga. Inngangur í Ásholtið er frá Laugavegi og stendur húsið rétt austan við Hlemm, það er því á mjög góðum stað og miðborgin í þægilegu göngufæri.

Íbúðin er 107 fm og í henni eru þrjú svefnherbergi og svefnaðstaða fyrir 7 manns. Eitt hjónarúm 180 x 200 , eitt hjónarúm sem er 160 x 200  og svo 2 einstaklingsrúm 90 x 200. Auk þess er eitt gestarúm.

Borðbúnaður er fyrir 12. Íbúðin er mjög rúmgóð. Henni fylgir stæði í bílageymslu, þar sem mjög góð þvottaaðstaða er fyrir bíla. Þvottavél og þurrkari er í íbúðinni. Eigninni fylgir líka fallegur lokaður garður og er hægt að ganga beint úr íbúðinni út í garðinn. Húsfélagið hefur í sinni þjónustu mann sem sér um alla sameignina og er eignin annáluð fyrir snyrtimennsku á allan hátt.
Barnastóll, tripp trapp stóll og barnarúm.

Stutt er í miðbæinn, í strætó og stutt í alla þjónustu.

Innifalið í leiguverði er lín fyrir 7 manns, handklæði og  brottfaraþrif en íbúðinni þarf þó að skila snyrtilegri, henda rusli – muna að flokka –  og setja hvern hlut á sinn stað.

 

Verðskrá frá 1.febrúar 2023
Helgi 3 nætur kr. 27.000
Fyrsta nótt kr. 12.000
Vika kr. 42.000

Helgin er alltaf leigð föstudag til mánudags.

Aukanótt kostar 5000.-

Pantanir
Leigutímabil: Hér gildir reglan fyrstur kemur fyrstur fær og verður vikunum ekki úthlutað, hvorki að sumri né vetri til.

Eftirfarandi reglur gilda um alla orlofskosti og eru gestir vinsamlegast beðnir um að virða þær:

  • Reykingar eru stranglega bannaðar í orlofsíbúðum og húsum Stéttarfélags Vesturlands. Það á einnig við um rafrettur.
  • Leigutaka er óheimilt að framselja leigusamninginn án samþykkis félagsins.
  • Ekki er leyfilegt að hafa gæludýr í orlofsíbúðum félagsins.
  • Helgarleiga í öllum íbúðum og sumarhúsum félagsins er 3 nætur frá föstudegi til mánudags.
  • Hafi félagsmaður bókað og greitt fyrir íbúð með meira en tveggja mánaða fyrirvara og geti svo ekki nýtt sér leiguna, þá er honum endurgreitt að fullu óski hans þess áður en 60 dagar eru í leigudag.
  • Ef minna en 60 dagar eru að leigudegi, er íbúðin losuð á vefnum og auglýst á heimasíðu félgasins. Náist að leigja húsið/íbúðina á næstu 50 dögum, fæst endurgreitt að fullu. Eftir 50 daga, þ.e. þegar minna en 10 dagar eru í útleigu fæst ekkert endurgreitt.
  • Félagsmaður sem óskar eftir því að nýta ekki bókunarkerfið Frímann og vill bóka með aðstoð starfsmanna félagsins, þarf að ganga frá greiðslu samdægurs. Gerist það ekki er afbókað að morgni næsta vinnudags.

  • Var efni síðunnar hjálplegt?
  • Nei