Kiðárskógur 10, Húsafelli

Er 94 fermetra hús sem félagði eignaðist árið 2010. Húsið stendur aðeins framar en Kiðárskógur 1 og er hægramegin. Því fylgir ágætur pallur, heitur pottur og smá garður

Tvö svefnherbergi eru í húsinu ásamt svefnlofti og svefnskoti inn af stofu. Í þeim eru eitt hjónarúm, ein koja og 2 rúm sem eru 120 cm breið (annað er í herbergi en hitt í svefnskoti) og á háaloftinu eru nokkrar dýnur til viðbótar. Gistirými er því fyrir allt að 10-12 manns. Allur búnaður er fyrir 10 manns. Í húsinu er uppþvottavél, þvottavél, barnastóll og barnarúm.

Húsafell er dásamleg náttúruperla þar sem hægt er að finna skemmtilegar gönguleiðir, skella sér í sund eða bara njóta ferska loftsins og kyrrðarinnar.

Verðskrá frá 1.júní 2019
Helgi 2 nætur kr. 18.000
Stök nótt kr. 7.000
Vika kr. 30.000

Pantanir
Á sumrin og á vinsælum helgum yfir vetrartíman eins og jól og páska þarf líka að nýta punkta.   Á sumrin er húsinu úthlutað en í vetrarleigu gildir fyrstur kemur fyrstur fær.

Eftirfarandi reglur gilda um alla orlofskosti og eru gestir vinsamlegast beðnir um að virða þær:

  • Reykingar eru stranglega bannaðar í orlofsíbúðum og húsum Stéttarfélags Vesturlands. Það á einnig við um rafrettur.
  • Leigutaka er óheimilt að framselja leigusamninginn án samþykkis félagsins.
  • Ekki er leyfilegt að hafa gæludýr í orlofsíbúðum félagsins.
  • Helgarleiga í öllum sumarhúsum félagsins tvær nætur, vilji félagsmaður nýta þrjár nætur er það greitt að fullu í samræmi við verðskrá.
  • Helgarleiga í báðum íbúðum félagsins sem eru á Akureyri og í Reykjavík eru þrjár nætur.
  • Hafi félagsmaður bókað og greitt fyrir íbúð með meira en tveggja mánaða fyrirvara og geti svo ekki nýtt sér leiguna, þá er honum endurgreitt að fullu óski hans þess áður en 60 dagar eru í leigudag.
  • Ef minna en 60 dagar eru að leigudegi, er íbúðin losuð á vefnum og auglýst á heimasíðu félgasins. Náist að leigja húsið/íbúðina á næstu 50 dögum, fæst endurgreitt að fullu. Eftir 50 daga, þ.e. þegar minna en 10 dagar eru í útleigu fæst ekkert endurgreitt.
  • Félagsmaður sem óskar eftir því að nýta ekki bókunarkerfið Frímann og vill bóka með aðstoð starfsmanna félagsins, þarf að ganga frá greiðslu samdægurs. Gerist það ekki er afbókað að morgni næsta vinnudags.

  • Var efni síðunnar hjálplegt?
  • Nei