Sjúkrasjóður Stéttarfélags Vesturlands
Bótareglur frá og með 1. jan. 2024
Viðmið til að ná fullum bótarétti er kr. 48.000- sl. 12 mánuði, þessi tala er viðmið frá 1. jan. 2024. Meginreglan er að félagsmaður hafi greitt samfellt í 6 eða 12 mánuði til sjóðsins, þegar miðað er við rétt til einstakra styrka.
Í þeim tilvikum þegar iðgjaldagreiðendur stunda nám með vinnu svo sem vinna tvö sumur eða stunda árstíðabundin störf er heimilt að telja 24 mánuði aftur í tímann þegar réttindi þeirra eru metin úr sjúkrasjóði. Hafi viðkomandi aðili náð að lágmarki sex mánaða starfi á tímabilinu hefur hann öðlast hlutfallslegan rétt enda hafi verið greitt af viðkomandi til sjóðsins á sama tímabili.
Samkv. grein 11.1 í reglugerð sjóðsins geymast réttindi sjóðsfélaga sem hættir eru störfum vegna aldurs eða örorku óskert í 12 mánuði frá starfslokum, hafi þeir greitt til sjóðsins síðustu 5 árin fyrir starfslok. Eftir það skulu þeir eiga rétt til 60% af þeim styrkjum sem greiðandi félagar njóta. Hafi réttindi félagsmanns fyrir starfslok verið lægri en 60%, skerðast þau réttindi hlutfallslega.
Einnig eiga aðstandendur þeirra rétt til dánarbóta samkv. þessari grein, nú kr. 315.000 eða minna í hlutfalli við geymd réttindi.
Dagafjölda greiddra dagpeninga skv. 12.1 lið, til þeirra sem greitt er hlutfallslega lægra iðgjald af en 1%, er heimilt að skerða í sama hlutfalli og iðgjaldið er lægra en 1%.
Félagsmenn á almenna markaðnum og sem starfa hjá sveitarfélögum 120 dagar.
Félagsmenn er starfa hjá ríkinu 90 dagar.
Almenni markaðurinn og sveitarfélögin greiða1% eða meira í sjúkrasjóð. Iðgjöld í sjúkrasjóð hjá ríkinu 0,75% af launum viðkomandi starfsmanns.
Stjórn sjóðsins getur við sérstakar aðstæður metið hvort dagpeningar skuli greiddir lengur en eitt bótatímabil og hver upphæð dagpeninga skuli þá vera. Stjórn sjúkrasjóðs getur(við þessar aðstæður) gert félagsmanni, sem nýtur greiðslu úr sjóðnum, skylt að leita ráðgjafar hjá Virk.